Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Aleancës për Ardhmërinë e Kosovës, Time Kadrijaj, ka konfirmuar edhe njëherë qëndrimin e prerë të subjektit të saj politik se nuk do të bëhet pjesë e një qeverie të tretë të udhëhequr nga Albin Kurti. Kadrijaj theksoi se AAK-ja nuk ka ndryshuar qëndrim dhe se pozicionimi i saj ndaj qeverisjes aktuale mbetet konsistent dhe parimor, duke u bazuar në bindjen se “qeveria aktuale ka dështuar në përmbushjen e zotimeve ndaj qytetarëve dhe në menaxhimin e sfidave shtetërore”. “Jo, nuk do të bëhemi pjesë e Qeverisë Kurti 3,” deklaroi Kadrijaj, duke shtuar se AAK-ja do të vazhdojë të jetë zë i opozitës konstruktive, që ndjek interesin qytetar dhe mbrojtjen e vlerave të shtetit të Kosovës. Ajo theksoi se Aleanca, nën udhëheqjen e Ramush Haradinajt, mbetet e përkushtuar ndaj një platforme të qartë kombëtare dhe euroatlantike, duke parë të ardhmen e vendit në forcimin e institucioneve, rritjen e sigurisë kombëtare dhe zhvillimin ekonomik të qëndrueshëm. Kadrijaj nënvizoi gjithashtu se AAK-ja është e hapur për bashkëpunime politike vetëm mbi bazën e parimeve të përgjegjësisë, barazisë dhe interesit shtetëror, e jo për ndarje pushteti apo kalkulime politike afatshkurtra.
