leoni

Në një atmosferë festive në Kompleksin “Fetnete Ramosaj”, u mbajt “Dita e Gështenjës”

24/10/2025 Institucionet

Në një atmosferë të ngrohtë e festive në Kompleksin “Fetnete Ramosaj”, u mbajt “Dita e Gështenjës”, një festë tashmë tradicionale që organizohet për të shprehur mirënjohjen për frutin e gështenjës, simbol i begatisë dhe bujarisë së kësaj treve.

Në kuadër të këtij manifestimi u organizua panairi i produkteve vendore, ku prodhuesit tanë lokalë prezantuan punën dhe përkushtimin e tyre, si dhe ekspozita e pikturave të artistëve që për tre ditë me radhë qëndruan në Deçan, duke sjellë në telajo bukuritë e natyrës dhe shpirtin e vendit tonë.

Një falënderim i veçantë për piktorët që me krijimtarinë dhe pasionin e tyre e pasuruan këtë ngjarje dhe lanë gjurmë artistike në qytetin e Deçanit.

Këtij aktiviteti iu bashkua edhe lideri i AAK-së, Ramush Haradinaj, së bashku me qytetarë të shumtë që e bënë këtë ditë edhe më të veçantë.

Faleminderit të gjithëve që kontribuan dhe morën pjesë.

Deçani vazhdon të jetë shembull i ruajtjes së traditave dhe promovimit të vlerave lokale, ka shkruar në facebook, kryetari i Deçanit, z. Bashkim Ramosaj.

Kontrolloni gjithashtu

Në Ferizaj u mbjat Punëtori me temën “Gjuha e ndjeshme gjinore”

Gjatë ditës së sotme në komunën e Ferizajt u mbajt punëtoria me temën “Gjuha e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara