Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri në detyrë, Albin Kurti, ka deklaruar së fundmi se nuk do të ndajë fonde të buxhetit për kryetarë komunalë që “nuk punojnë si duhet” ose “përdorin paratë në mënyrë të gabuar”. Kjo deklaratë ka nxitur reagime të ashpra nga opozita. Vlora Çitaku nga Partia Demokratike e Kosovës e ka cilësuar si “skandaloze”, duke theksuar se kryeministri po kërcënon qytetarët në mënyrë të drejtpërdrejtë. “Qytetarët nuk mund të kërcënohen për të votuar për kandidatët e tij. Ky është një model i qeverisjes me ndëshkim politik, që e kemi parë që nga fillimi i mandatit të tij. Disa komuna të qeverisura nga PDK nuk kanë përfituar fonde, megjithëse janë shembuj të menaxhimit të mirë dhe transparencës,” ka thënë Çitaku. Ajo ka shtuar se qytetarët do të tregojnë qëndrimin e tyre më 9 nëntor, duke theksuar se populli i Kosovës nuk nënshtrohet dhe nuk pranon shantazh politik.
