Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komandanti i Forcës së Sigurisë së Kosovës, gjeneral Bashkim Jashari, ka pritur sot në takim komandantin e KFOR-it, gjeneralmajor Ozkan Ulutash. Në fillim të takimit, gjeneral Jashari i uroi mirëseardhje homologut të tij dhe e përgëzoi për marrjen e detyrës si komandant i KFOR-it, duke i dëshiruar suksese në këtë rol të rëndësishëm. Gjatë bisedës, të dy komandantët diskutuan për zhvillimet e fundit brenda FSK-së, përfshirë proceset e trajnimit, stërvitjet, operacionet dhe sfidat me të cilat përballet kjo forcë në përmbushjen e misionit të saj. Një pjesë e veçantë e diskutimit iu kushtua situatës aktuale të sigurisë në Kosovë dhe në rajon, me theks të veçantë në ruajtjen e stabilitetit dhe koordinimin ndërinstitucional në rastet e sfidave të përbashkëta. Në njoftimin e FSK-së thuhet se Jashari dhe Ulutash vlerësuan lartë bashkëpunimin e deritanishëm ndërmjet FSK-së dhe KFOR-it, duke theksuar rëndësinë e thellimit të këtij partneriteti.
Sipas FSK-së, ky bashkëpunim mbetet thelbësor për forcimin e paqes dhe sigurisë në Kosovë dhe në mbarë rajonin.
