Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Forca e Sigurisë së Kosovës, ka përmbyllur me sukses një trajnim të avancuar në kërkim-shpëtim malor, i organizuar nga Qendra Ndërkombëtare Trajnuese për Kërkim-Shpëtim. Trajnimi, që u zhvillua gjatë dy javëve të fundit, kishte për qëllim ngritjen e kapaciteteve profesionale të pjesëmarrësve dhe forcimin e aftësive për reagim efektiv në situata emergjente në terren malor. Gjatë aktivitetit, pjesëmarrësit nga FSK dhe partnerët turq u angazhuan në skenarë praktikë, përdorimin e pajisjeve të specializuara dhe ushtrime sipas procedurave standarde të operacioneve malore. Sipas njoftimit të FSK-së, ky trajnim kontribuon ndjeshëm në avancimin e njohurive dhe përgatitjes profesionale të ekipeve të kërkim-shpëtimit, duke rritur kapacitetin e tyre për të ofruar ndihmë të shpejtë dhe të sigurt në raste emergjente.
