Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Të dielën, më 16 nëntor, në ora 13:00, në Strasburg do të mbahet protesta e radhës në mbështetje të Ushtrisë Çlirimtare të Kosovës, e organizuar nga shoqatat e dala nga lufta. Këtij organizimi i është bashkuar edhe ish-kryetari i PDK-së, Memli Krasniqi, i cili u ka bërë thirrje qytetarëve dhe mërgatës që t’i bashkohen protestës. Krasniqi tha se më 16 nëntor “të gjitha rrugët çojnë në Strasburg”, duke theksuar se aty do të kërkohet drejtësi për ish-krerët e UÇK-së. “Aty ku nisi procesi që ka rënduar padrejtësisht mbi emrin dhe sakrificën e Ushtrisë Çlirimtare të Kosovës, aty do të ngrihet zëri i shqiptarëve për drejtësi dhe dinjitet. Protestat paqësore për të vërtetën dhe respektimin e historisë sonë vazhdojnë me qytetari, me qetësi dhe me besim në drejtësinë që meriton populli ynë,” ka shkruar ai, duke ftuar qytetarët dhe mërgatën që t’i bashkohen thirrjes për drejtësi. Protesta në Strasburg do të jetë e katërta me radhë, pas atyre të mbajtura në Prishtinë, Hagë dhe Tiranë, dhe synon të ngrejë zërin kundër, siç thuhet, padrejtësive ndaj ish-krerëve të UÇK-së që po gjykohen në Hagë.
