Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryetari i Partisë Demokratike të Kosovës, Memli Krasniqi, ka reaguar pas paraqitjes së gjeneralit amerikan Wesley Clark në gjykatën speciale në Hagë, ku ai nisi dëshminë e tij në mbrojtje të ish-presidentit Hashim Thaçi dhe ish-eprorëve të tjerë të Ushtrisë Çlirimtare të Kosovës. Krasniqi ka vlerësuar lartë gjeneral Clarkun, duke e cilësuar si një figurë të pandryshuar në përkrahjen e Kosovës, si gjatë luftës ashtu edhe sot, në proceset ku po kërkohet e vërteta historike. “Dje, në mbrojtje të popullit tonë në Kosovë. Sot, në mbrojtje të çlirimtarëve tanë në Hagë. Gjenerali Wesley Clark mbetet me këmbëngulje në anën e drejtë të historisë – një pjesë të së cilës e shkroi me lidershipin e tij,” ka shkruar Krasniqi. Ai e përshkroi gjeneralin Clark si një mik besnik dhe të vendosur, që sipas tij, ka qëndruar gjithmonë në anën e drejtësisë dhe parimeve të pandryshueshme. “Në skenën e madhe të historisë sonë, ai shfaqet gjithmonë i njëjtë: besnik, i vendosur, i drejtë. Një mik që nuk mban uniformë vetëm në fushën e betejës, por edhe në betejën për të vërtetën. Ai nuk ndryshon. Sepse parimet nuk ndryshojnë,” ka shtuar Krasniqi, duke përmbyllur me mirënjohje.
