Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lideri i AAK-së, Ramush Haradinaj, ka deklaruar se Kosova vazhdon të ketë nevojë jetike për diasporën, duke e cilësuar atë si një prej faktorëve më të rëndësishëm të zhvillimit dhe mbijetesës së vendit. Ai tha se mërgimtarët kanë mbajtur gjallë Kosovën me punën, sakrificat dhe dashurinë e tyre, ndërsa roli i tyre mbetet vendimtar edhe sot. Haradinaj ka përshkruar rrugëtimin historik të mërgatës shqiptare, duke kujtuar sakrificat e brezave që u larguan për mirëqenie, e më pas kontribuuan në liri dhe shtetndërtim. Ai theksoi se çdo hap i bërë përpara nga Kosova është edhe meritë e diasporës. “Zëri juaj, besimi juaj dhe angazhimi juaj, na duhen gjithmonë. Kosova ka nevojë për ju, ashtu siç ju e keni mbajtur Kosovën gjallë në zemrat tuaja”, shkroi Haradinaj.
