Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Edward P. Joseph, ligjërues në Universitetin Johns Hopkins dhe një nga ekspertët më të njohur të menaxhimit të konflikteve, ka propozuar një plan të ri strategjik për arritjen e paqes në Ukrainë, duke marrë si shembull modelin e Kosovës. Në një intervistë për “Radion Evropa e Lirë” dhe në analizën e tij të botuar në “SAIS Review of International Affairs”, Joseph shpjegon se parimet e Rezolutës 1244 – administrim ndërkombëtar, vendosja e trupave paqeruajtëse dhe shtyrja e çështjes së sovranitetit – mund të adaptohen për situatën në Donbas pa legjitimuar aneksimin rus. Sipas tij, kjo qasje do t’i ofronte Ukrainës garanci sigurie, do të ulte rrezikun e përshkallëzimit dhe do të krijonte hapësirë për një proces të qëndrueshëm politik dhe diplomatik. Joseph thekson se modeli i Kosovës ka funksionuar si mekanizëm tranzicional që shmangu konfliktin e hapur dhe krijoi kushte për zhvillim institucional. Ai vlerësoi edhe angazhimin e administratës Trump në këtë drejtim, duke argumentuar se ka sjellë një dinamikë të re në negociatat për paqen dhe ka përqendruar përpjekjet ndërkombëtare drejt një zgjidhjeje të prekshme. Sipas Josephit, nëse komuniteti ndërkombëtar vepron me kohezion dhe vendosmëri, modeli i Kosovës mund të shndërrohet në një shembull praktik për mbylljen e një prej konflikteve më të rrezikshme në kontinentin evropian.
