Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deklaratat e rëndë të anëtarit të KQZ-së nga radhët e Vetëvendosjes, Sami Kurteshi, ndaj Asociacionit të Gazetarëve të Kosovës kanë ngjallur reagime të forta në vend dhe jashtë tij. Kurteshi e krahasoi AGK-në me një organizatë kriminale që mbron “vrasës me pagesë”, gjë që u vlerësua si sulm i drejtpërdrejtë ndaj lirisë së medias. Sekretari i Federatës Ndërkombëtare të Gazetarëve, Anthony Bellanger Gutierrez, reagoi i pari duke i kërkuar kryeministrit Albin Kurti të ndërhyjë për t’i dhënë fund, siç i quajti ai, “sulmeve dhe praktikave me sjellje mafioze”. Ai paralajmëroi se tolerimi i gjuhës denigruese rrezikon sigurinë e gazetarëve dhe minon besueshmërinë e institucioneve. Reagim i qartë erdhi edhe nga Bashkimi Evropian, që dënoi ashpër gjuhën e Kurteshit dhe kërkoi ndërprerjen e praktikave që cenojnë lirinë e medias. Deklaratën e BE-së e mbështetën ambasadori i Francës dhe ambasada e Gjermanisë, duke e cilësuar krahasimin ndaj AGK-së “të padenjë dhe të rrezikshëm”. Organizata u bëri thirrje kryeministrit Kurti dhe presidentes Osmani të marrin masa konkrete për të garantuar mbrojtjen e gazetarëve dhe pavarësinë e medias.
