Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati për deputet i PDK-së, Abelard Tahiri, ka bërë publik një tjetër komunikim telefonik me ish-presidentin Hashim Thaçi nga Haga, duke e paraqitur si moment “emocional”, në një përpjekje të dukshme për të rritur mobilizimin politik para tubimit të nesërm në Shkup. Tahiri njoftoi se i ka raportuar Thaçit se “zëri i shqiptarëve do të dëgjohet fuqishëm”, duke e shndërruar bisedën në një mesazh propagandistik që kërkon të ngjallë emocionalitet të qëllimshëm rreth çështjes së ish-krerëve të UÇK-së. Përmes këtij komunikimi, PDK shihet qartë duke kapitalizuar mbi kauzën e drejtësisë për çlirimtarët, duke e përdorur atë si mjet mobilizimi zgjedhor. Në postimin e tij, Tahiri e paraqet protestën në Shkup si “kauzë që bashkon shqiptarët kudo”, ndërkohë që kritikat ndaj kësaj qasje janë shtuar, pasi shpesh kjo retorikë shërben për të mbuluar mungesat programore dhe për të zhvendosur vëmendjen nga sfidat e brendshme politike. Mesazhi vjen vetëm pak ditë para tubimeve që pritet të përdoren si platformë për retorikë emocionale dhe presion publik ndaj institucioneve ndërkombëtare, në një kohë kur proceset gjyqësore janë ende në zhvillim dhe kërkojnë qasje të matur e pa ndërhyrje politike.
