Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Partia Popullore Evropiane (EPP) ka shprehur mbështetjen e saj për Lidhjen Demokratike të Kosovës (LDK) dhe kandidatin për kryeministër, Lumir Abdixhiku, në prag të zgjedhjeve të së dielës. Përmes një postimi, EPP vlerëson lidershipin e Abdixhikut dhe vizionin e LDK-së për një të ardhme më të mirë për qytetarët e Kosovës. “Teksa Kosova po shkon drejt zgjedhjeve, LDK nën udhëheqjen e Lumir Abdixhiku po u ofron shpresë qytetarëve të Kosovës. Shpresë për një të ardhme më të mirë, për ekonomi të begatë dhe për një Kosovë stabile dhe në harmoni me Bashkimin Evropian,” thuhet në postim. Kjo mbështetje vjen në një moment kyç për LDK-në dhe shihet si një përkrahje e qartë për kandidatin e saj për kryeministër. Partia Popullore Evropiane është familja më e madhe politike në Evropë, e cila bashkon parti të qendrës së djathtë që udhëheqin në vende si Gjermania, Italia, Suedia, Austria, Kroacia, Finlanda dhe Belgjika. Mbështetja e EPP-së synon të rrisë besueshmërinë ndërkombëtare të LDK-së dhe të theksojë vizionin e saj për stabilitet politik, zhvillim ekonomik dhe integrim evropian të Kosovës.
