Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me rastin e Ditës së Veteranit të Ushtrisë Çlirimtare të Kosovës, Organizata e Veteranëve të Luftës së UÇK-së ka organizuar homazhe në Kompleksin Memorial “Adem Jashari” në Prekaz, duke nderuar sakrificën e luftëtarëve të lirisë. Kryetari i kësaj organizate, Hysni Gucati, ka theksuar se edhe pse sot kujtojmë heroizmin e 34 viteve më parë, nuk ndihet plotësisht i lirë për shkak të vonesave të institucioneve të Kosovës në miratimin e ligjit për vlerat e luftës. “Mu në këtë vend, para 34 viteve, shkëndijat e para të lirisë u ndezën nga bacës Shaban me dy djemtë, Hamzën dhe Ademin, dhe i gjithë rrethi i Jasharajve u përball me forcat çetnike serbe. Sot si veteranë nuk ndihemi të lirë sepse ligji për vlerat e luftës ende nuk është miratuar nga institucionet tona,” tha Gucati, raporton EO. Homazhe përkujtimore do të organizohen edhe në lokacione të tjera anembanë Kosovës nga degët e OVLUÇK-së në secilin qytet.
