Me rastin e 30 Dhjetorit, Ditës së Veteranit, në emër të Kryeqytetit shpreh nderimin dhe mirënjohjen më të thellë për të gjithë veteranët e luftës çlirimtare

30/12/2025 Institucionet

Me rastin e 30 Dhjetorit, Ditës së Veteranit, në emër të Kryeqytetit, kryetari Përparim Rama shpreh nderimin dhe mirënjohjen më të thellë për të gjithë veteranët e luftës çlirimtare.

Kjo datë përkujton një moment të rëndësishëm historik, 30 dhjetorin e vitit 1991, kur në Prekaz, filloi përballja e familjes Jashari me forcat ushtarake serbe, një akt i qëndresës heroike që shënoi fillimin e rezistencës së armatosur dhe hodhi themelet e luftës çlirimtare të Ushtrisë Çlirimtare të Kosovës. Kjo ngjarje u bë simbol i vendosmërisë së popullit tonë për liri, dinjitet dhe vetëvendosje.

Veteranët e Kosovës përfaqësojnë vlerat më të larta të sakrificës dhe atdhedashurisë. Kontributi i tyre është pjesë e pandashme e historisë sonë shtetërore dhe obligim i përhershëm për respekt, kujtesë dhe përkujdesje institucionale.

Në këtë ditë të shënuar, nderojmë me respekt të veçantë edhe familjet e dëshmorëve dhe të rënëve për liri, duke u përkulur para sakrificës së tyre sublime, ka shkruar në facebook, kryetari i komunës së Prishtinës, z. Përparim Rama.

Kontrolloni gjithashtu

Ndalimi i përdorimit të mjeteve piroteknike

Komuna e Skenderajt njofton qytetarët se, me Urdhëresë Nr. 02-352/01-0054409/25, të datës 26.12.2025, të nxjerrë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara