Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Selia e parë e Radios-Kosova e Lirë ishte e vendosur në shtëpinë e Idriz Qeriqit, në fshatin Krojmir, ku gjatë muajve tetor, nëntor dhe dhjetor të vitit 1998 u bënë përgatitjet vendimtare për nisjen e transmetimit të programit. Në këtë seli historike, përveç Ahmet Qeriqit me familjen e tij, në nëntor të atij viti u vendos edhe zëdhënësi i SHP të UÇK-së, Jakup Krasniqi, bashkë me familjen, si dhe kuadro të tjerë të lartë të luftës. Siguria dhe mbështetja e stafit u garantuan nga luftëtarë dhe komandantë të shquar të UÇK-së, në mesin e tyre Elez Durmishi, komandanti i batalionit “Ruzhdi Salihu” të Brigadës 121, Ismet Jashari – Kumanova, komandanti i Policisë Ushtarake Sylë Qeriqi, si dhe rojet e përhershme Hasan Qeriqi, Avni Sylë Qeriqi e të tjerë, duke e kthyer Krojmirin në një qendër kyçe të rezistencës dhe informimit kombëtar.
