Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Paris u mbajt Samiti i Koalicionit të të Vullnetshmëve për Ukrainën, ku liderë europianë dhe amerikanë u mblodhën në një përpjekje vendimtare për të rënë dakord mbi garancitë e sigurisë që do të shoqëronin çdo armëpushim të mundshëm në luftën e Rusisë kundër Ukrainës. Megjithatë, në këtë takim të rëndësishëm ndërkombëtar nuk mori pjesë asnjë përfaqësues nga Kosova. Edhe pse ekzistonte mundësia që Kosova të ishte e pranishme në këtë samit, arsyet e mungesës së saj mbeten të paqarta, duke ngritur pikëpyetje serioze mbi përfaqësimin dhe angazhimin diplomatik të vendit në çështje kyçe të sigurisë rajonale dhe globale. Në samit mori pjesë kryeministri i Shqipërisë, Edi Rama, i cili publikoi edhe një fotografi familjare me liderët pjesëmarrës. Të pranishëm ishin gjithashtu presidenti i Ukrainës, Volodymyr Zelensky, i dërguari i posaçëm i Presidentit të SHBA-së, Donald Trump, Steve Witkoff, si dhe dhëndri i Trump, Jared Kushner. Mungesa e Kosovës në këtë samit të nivelit të lartë ngre shqetësime për rolin dhe dukshmërinë e saj në proceset vendimmarrëse ndërkombëtare, veçanërisht në një moment kur çështjet e sigurisë në Evropë janë më të ndjeshme se kurrë.
