Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Viti 2025 solli rritje të ndjeshme të çmimeve të produkteve bazike në Kosovë. Sipas Agjencisë së Statistikave, inflacioni në nëntor krahasuar me të njëjtin muaj të vitit 2024 arriti 5.3%. Çmimet e bukës, vajit, vezëve, mishit, qumështit dhe produkteve të tjera ushqimore u rritën dukshëm, duke ndikuar drejtpërdrejt në xhepat e qytetarëve. Qytetarët shprehen shqetësim për ndikimin në jetën e përditshme. Besim Islami thotë se çmimet në Kosovë shpesh janë më të larta se në vende të tjera evropiane, edhe pse pagat janë dukshëm më të ulëta. Mehdi Jashari shton se inflacioni ndikon edhe tek familjet më të vogla dhe të rriturit. Një ndër masat e qeverisë, Ligji për çmimet tavan, u shpall i pavlefshëm nga Gjykata Kushtetuese në fund të vitit 2023, pasi nuk ishte në përputhje me Kushtetutën.
