Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duke iu referuar masakrës së Reçakut më 15 janar 1999, Jashari rikujton se forcat kriminale serbe masakruan barbarisht 45 civilë shqiptarë, ndërsa më pas tentuan ta fshehin krimin duke e paraqitur atë si përplasje mes UÇK-së dhe forcave serbe. Sipas tij, ky mashtrim dështoi falë mediave ndërkombëtare dhe misionit të OSBE-së në Kosovë, veçanërisht ambasadorit William Walker, i cili e dëshmoi dhe e bëri të ditur të vërtetën para botës.
Jashari thekson se pamjet nga Reçaku tronditën ndërgjegjen ndërkombëtare dhe kjo masakër u shndërrua në pikë kthese, duke përshpejtuar ndërhyrjen e NATO-s kundër makinerisë gjenocidale serbe. Ai rikujton se vetëm gjashtë ditë pas Reçakut, forcat serbe u rikthyen në Prekaz, me synimin për të shkatërruar bërthamën e organizimit çlirimtar, ndërsa më pas pasuan masakra të tjera, beteja të përgjakshme dhe shpërngulje masive.
Në fund, Bekim Jashari nënvizon se gjaku i derdhur për liri, lufta çlirimtare dhe ndërhyrja vendimtare e NATO-s, me Shtetet e Bashkuara të Amerikës në krye, bënë të mundur që Kosova sot të gëzojë lirinë. Ai shpreh nderim dhe krenari për martirët e Reçakut, duke theksuar se sakrifica e tyre është themel i Lirisë dhe i Pavarësisë së Kosovës.
Lavdi të rënëve për Lirinë e Kosovës!
