Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sala Jashari ka kujtuar datat kyçe të betejave në Prekaz, duke i cilësuar ato jo si shenja të zakonshme në kalendar, por si themele mbi të cilat u ndërtua liria e Kosovës. Në një mesazh përkujtimor, ajo ka theksuar se datat 30 dhjetor 1991, 31 dhjetor 1997, 22 janar 1998 dhe 5, 6 e 7 mars 1998 mbartin kujtesën e një sakrifice të jashtëzakonshme, guximin përballë vdekjes dhe vendimin e palëkundur për të mos u dorëzuar kurrë. Sipas saj, këto momente historike shënojnë rrugën e dhimbshme, por krenare, drejt çlirimit. “Prekazi nuk është vetëm histori. Është betim dhe përgjegjësi. Është plagë dhe krenari që na thërret të mos harrojmë asnjë copë të sakrificës, nga Prekazi e në çdo cep të trojeve tona,” ka shkruar Jashari. Ajo ka nënvizuar se kujtimi i këtyre datave është një detyrim moral për brezat e sotëm dhe të ardhshëm, në mënyrë që sakrifica e dëshmorëve të mos mbetet vetëm një kapitull i së kaluarës, por një udhërrëfyes për unitet, dinjitet dhe përgjegjësi kombëtare.
