Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Insistimi i Prokurorisë së Specializuar që Hashim Thaçi të mbetet në paraburgim edhe në prag të fjalëve përfundimtare po rikthen në qendër të debatit kritikën se Gjykata Speciale po shkel parimin e gjykimit brenda një afati të arsyeshëm. Prokuroria ka përmendur akuza të reja të konfirmuara për pengim të drejtësisë, duke pretenduar se Thaçi ka tentuar të shpërndajë informacione konfidenciale përmes vizitorëve, çka sipas tyre e rëndon edhe më tej pozitën e tij procedurale. Sërish, këto pretendime përdoren për të justifikuar vazhdimin e paraburgimit, pa një vlerësim të balancuar të masave alternative, si arresti shtëpiak apo mbikëqyrja elektronike. Në parashtresë përmendet edhe “klima e frikësimit të dëshmitarëve” në Kosovë, duke iu referuar vendimeve të mëhershme të Gjykatës së Apelit dhe rasteve si ai i Gucatit dhe Haradinajt. Megjithatë, kritikët theksojnë se përgjegjësia për këtë klimë po i faturohet në mënyrë kolektive të akuzuarve të UÇK-së, pa u dëshmuar lidhja direkte e Thaçit me ndonjë akt konkret frikësimi. Mbrojtja dhe opinioni publik në Kosovë vazhdojnë ta konsiderojnë këtë qasje si të njëanshme dhe të motivuar politikisht, duke theksuar se paraburgimi tashmë katërvjeçar i Thaçit përbën shkelje serioze të standardeve ndërkombëtare të të drejtave të njeriut. Fjalët përfundimtare në procesin ndaj ish-krerëve të UÇK-së pritet të mbahen nga 9 deri më 18 shkurt, çka e afron procesin drejt një epilogu. Gjykata Speciale nuk ka dhënë asnjë sinjal për zbutje të masave të sigurisë ndaj të akuzuarve, duke e thelluar perceptimin se paraburgimi po përdoret si instrument presioni dhe jo si masë e fundit, ashtu siç e kërkon ligji.
