Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Anëtari i Kryesisë së PDK-së, Abelard Tahiri, ka njoftuar se Gjykata e Shkallës së Dytë ka rrëzuar vendimin e Gjykatës së Shkallës së Parë, i cili sipas tij rrezikonte përvetësimin e një prone publike në qendër të Prishtinës nga grupe të fuqishme interesi. Tahiri ka deklaruar se pas marrjes së informacionit për vendimin fillestar gjyqësor, i cili hapte rrugë për zhvillime ndërtimore në atë zonë, ai ka ndërmarrë hapa ligjorë për ta kundërshtuar atë. “Nuk heshta dhe nuk u tërhoqa. Angazhova një ekip profesional pro bono, të udhëhequr nga avokati Faton Fetahu, për ta mbrojtur pronën e qytetarëve të Prishtinës. Kjo tokë nuk është e grupeve kriminale dhe as e interesave të errëta, por pronë publike që u takon qytetarëve”, ka deklaruar Tahiri. Sipas tij, vendimi i Gjykatës së Shkallës së Dytë e ka kthyer çështjen në rivlerësim nga fillimi dhe përfaqëson një hap të rëndësishëm në mbrojtje të interesit publik. Ai e ka cilësuar këtë zhvillim si fitore për qytetarët e kryeqytetit dhe ka shtuar se do të vazhdojë angazhimin kundër çdo përpjekjeje për, siç u shpreh ai, keqpërdorim të pronës publike.
