Helshani, ka nisur vizitën e tij të parë zyrtare në QKMF “Shpëtim Robaj” në Malishevë

14/02/2026 Institucionet

Drejtori i Shëndetësisë në Komunën e Malishevës, Amrush Helshani, ka nisur vizitën e tij të parë zyrtare në Qendrën Kryesore të Mjekësisë Familjare “Shpëtim Robaj”, i shoqëruar nga bashkëpunëtorët, Shqipron Berisha dhe Bibe Mazreku, ku u pritën nga ushtruesi i detyrës, Urim Thaçi.

Gjatë takimit, drejtori Helshani u njoh nga afër me gjendjen aktuale të shërbimeve shëndetësore, kushtet e punës dhe nevojat prioritare të institucionit. Në fokus të bisedës ishin kërkesat për përmirësimin e infrastrukturës, furnizimin me pajisje mjekësore dhe fuqizimin e stafit profesional, me qëllim rritjen e cilësisë së shërbimeve për qytetarët.

Drejtori Helshani theksoi përkushtimin e tij për bashkëpunim të ngushtë me të gjitha institucionet shëndetësore në komunë, duke premtuar trajtim serioz të kërkesave të paraqitura dhe angazhim për adresimin e tyre në përputhje me mundësitë buxhetore.

Ndërkaq, drejtori Thaçi falënderoi për vizitën dhe gatishmërinë për mbështetje, duke vlerësuar rëndësinë e komunikimit të drejtpërdrejtë për avancimin e sistemit parësor shëndetësor në Malishevë.

Pas përfundimit të takimit, Helshani me bashkëpunëtorë, bëri homazhe dhe vendosi lule të varri i ish drejtorit të shëndetësisë, Hajdin Berisha.

Kontrolloni gjithashtu

Komuna e Skenderajt ka publikuar e agjendën e aktiviteteve për shënimin e 18-vjetorit të shpalljes së Pavarësisë së Kosovës

Komuna e Skenderajt ka publikuar të enjtën agjendën e aktiviteteve për shënimin e 18-vjetorit të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2026, Të gjitha të drejtat e rezervuara