Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Senatorja e shtetit të New York, Jessica Scarcella-Spanton, ka uruar 18-vjetorin e pavarësisë së Kosova, duke theksuar lidhjen e fortë të komunitetit kosovar në SHBA me historinë dhe identitetin e vendit të tyre. Në mesazhin e saj publik, ajo tha se është nder për të të përfaqësojë dhe të punojë krah për krah me komunitetin shqiptar në Staten Island dhe Brooklyn, duke vlerësuar përkushtimin e tyre për ruajtjen e trashëgimisë dhe historisë së Kosovës. Ndërkohë, në të njëjtën ditë në Prishtinë u mbajt marshi qytetar “Drejtësi, jo politikë”, ku sipas organizatorëve morën pjesë rreth 200 mijë qytetarë në mbështetje të ish-krerëve të Ushtrisë Çlirimtare të Kosovës që po përballen me procese gjyqësore në Hagë. Tubimi mblodhi personalitete politike, përfaqësues të shoqërisë civile dhe qytetarë nga mbarë vendi, duke e shndërruar përvjetorin e shtetit në një ditë reflektimi, solidariteti dhe angazhimi qytetar.
