Gjimnazi “Hamëz Jashari” ka kremtuar 59-vjetorin e themelimit, si dhe 76-vjetorin e lindjes së heroit kombëtar, Hamëz Jashari.

19/02/2026 Institucionet

Sot në ambientet e Sallë së Kulturës, në një atmosferë solemne dhe me pjesëmarrje të gjerë të përfaqësuesve institucionalë, mësimdhënësve, nxënësve dhe qytetarëve, Gjimnazi “Hamëz Jashari” ka kremtuar 59-vjetorin e themelimit, si dhe 76-vjetorin e lindjes së heroit kombëtar, Hamëz Jashari.

Në këtë aktivitet morën pjesë nënkryetari i komunës, Fadil Nura, si dhe drejtori i Arsimit, Kastriot Duraku. Në fjalën e tij para të pranishmëve, nënkryetari Nura theksoi se kjo shkollë, që me krenari mban emrin e heroit Hamëz Jashari, ka dëshmuar suksese të vazhdueshme si në mësimdhënie ashtu edhe në mësimnxënie, duke nxjerrë gjenerata të tëra mësimdhënësish dhe nxënësish të suksesshëm.

Ai uroi mësimdhënësit, nxënësit dhe prindërit për këto dy data të rëndësishme, duke iu dëshiruar suksese dhe arritje të reja.

Drejtoresha e gjimnazit, Gisela Shala, me këtë rast uroi shkollën, stafin mësimor dhe nxënësit për këtë ditë të rëndësishme, duke shprehur mirënjohje për angazhimin dhe përkushtimin e vazhdueshëm në rrugëtimin arsimor dhe edukativ.

Në kuadër të shënimit të kësaj dite, nxënësit prezantuan një program të pasur kulturor-artistik me këngë, recitime dhe valle, duke i dhënë ngjarjes një dimension të veçantë përkujtimor dhe festiv.

Kontrolloni gjithashtu

Ramosaj: Para lapidarëve të dëshmorëve u përkulëm me krenari e dhimbje, duke kujtuar bijtë më të mirë të këtij vendi

Kryetari i Komunës së Deçanit, z. Bashkim Ramosaj, së bashku me Nënkryetarin, z. Sami Cacaj …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2026, Të gjitha të drejtat e rezervuara