Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës për Ardhmërinë e Kosovës, Ramush Haradinaj, ka pritur në takim ambasadorin e Hungarisë në Kosovë, László István, me të cilin ka diskutuar për forcimin e marrëdhënieve dypalëshe dhe perspektivën euroatlantike të Kosovës. Gjatë takimit, bashkëbiseduesit kanë shkëmbyer pikëpamje lidhur me proceset politike dhe objektivat strategjike të vendit, me theks të veçantë në anëtarësimin e Kosovës në NATO. Haradinaj ka shprehur mirënjohje për mbështetjen e vazhdueshme të Hungarisë ndaj proceseve integruese të Kosovës, duke theksuar rëndësinë e thellimit të bashkëpunimit ndërmjet dy vendeve. “Në takim me ambasadorin hungarez në Kosovë, z. László István, shpreha falënderimin për mbështetjen e vazhdueshme të shtetit mik në proceset integruese. Ndër të tjera, ndamë pikëpamjet për proceset e ardhshme që na presin si shtet, duke theksuar rëndësinë e bashkëpunimit të mëtejshëm dhe forcimit të marrëdhënieve dypalëshe drejt realizimit të objektivave tona strategjike, veçanërisht anëtarësimit të Kosovës në NATO,” ka shkruar Haradinaj. Takimi u vlerësua si pjesë e angazhimeve të vazhdueshme për forcimin e partneriteteve ndërkombëtare dhe avancimin e pozitës së Kosovës në strukturat euroatlantike.
