Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Derisa dy lëndë të rëndësishme tashmë janë në shqyrtim në Gjykata Kushtetuese e Kosovës, pushteti po përballet me kritika për presion publik ndaj këtij institucioni. Këshilltari i kryeministrit Albin Kurti, Jeton Zulfaj, ka deklaruar se gjykata duhet t’i obligojë deputetët të marrin pjesë në seancën për zgjedhjen e presidentit dhe të votojnë. Sipas tij, nëse Kushtetuesja nuk urdhëron vazhdimin e seancës dhe pjesëmarrjen e deputetëve në votim, vendimet e saj rrezikojnë të humbin peshën. Këto deklarata po interpretohen nga kritikët si përpjekje për të ndikuar paraprakisht në vendimmarrjen e gjykatës, në një moment kur institucionet janë futur në një krizë të thellë politike. Ndërkohë, në Kushtetuese janë dorëzuar dy raste: një nga Albulena Haxhiu lidhur me deputetët që nuk morën pjesë në seancë dhe tjetri nga Lëvizja Vetëvendosje kundër dekretit të presidentes Vjosa Osmani për shpërndarjen e Kuvendit.
