Ramush Haradinaj: Plagë që nuk shuhen: Përkujtimi i 148 martirëve në Pastasel, thirrje për unitet dhe forcim të Kosovës”

Komandanti i Zonës Operative të Dukagjinit, Ramush Haradinaj ka rikujtuar një nga ngjarjet më të rënda të luftës në Kosovë, duke theksuar se krimet e kryera nuk kursyen as të moshuarit, gratë dhe fëmijët. Ai bëri të ditur se në Pastasel të Rahovecit, së bashku me kryetarin Smajl Latifi, familjarë dhe bashkëpunëtorë, u nderua kujtimi i 106 martirëve të ekzekutuar nga ky fshat dhe nga fshatrat përreth, të cilët kishin gjetur strehë aty për t’i shpëtuar dhunës së armikut. Sipas tij, tragjedia nuk u ndal me kaq, pasi të njëjtin fat e përjetuan edhe 42 shqiptarë të pafajshëm nga fshati Burim i Malishevës, duke e çuar në 148 numrin e viktimave të kësaj masakre. Haradinaj theksoi se kujtimi për të rënët mbetet i përhershëm dhe se sakrifica e tyre është themel i rrugës së Kosovës drejt lirisë. Ai nënvizoi se përgjegjësia e brezave të sotëm është ta mbrojnë dhe ta forcojnë shtetin, për të cilin ata dhanë jetën.