Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Aleancës për Ardhmërinë e Kosovës, Time Kadrijaj, ka reaguar ndaj paralajmërimeve të kryeministrit Albin Kurti për takime me opozitën lidhur me çështjen e presidentit, duke theksuar se partia e saj nuk do të marrë pjesë në një takim të tillë. Edhe nëse Kurti i fton, AAK nuk do t’i përgjigjet ftesës, duke e cilësuar qasjen e deritanishme si jo serioze. Sipas saj, takimet e mëhershme me krerët e PDK e LDK, nuk kanë prodhuar rezultate konkrete. “Le t’i vazhdojë takimet me partitë tjera, por për të gjetur zgjidhje dhe jo për spektakël, pasi takimet e kaluara ishin vetëm formale”, u shpreh ajo. Ajo theksoi se situata politike kërkon seriozitet dhe konsensus të vërtetë, ndërsa shtoi se vendimi i Gjykata Kushtetuese e Kosovës ka sqaruar se deputetët nuk janë të obliguar të qëndrojnë në sallë për zgjedhjen e presidentit pa një marrëveshje politike. “Vendimi i gjykatës është i qartë – në mungesë të një zgjidhjeje, vendi duhet të shkojë në zgjedhje. Mendoj se kjo është rruga që duhet ndjekur”, deklaroi ajo.
