Në Deçan u mbajt mbledhja e III-të e Komitetit për Komunitete, e kryesuar nga kryesuesi z. Shkelzen Berisha, me pjesëmarrjen e anëtarëve të komitetit, përfaqësuesve të Zyres Lokale pë Komunitete si dhe organizatave ndërkombëtare UNMIK, OSBE dhe KFOR.
Në këtë mbledhje u miratua njëzëri procesverbali nga mbledhja e kaluar, ndërsa u prezantua edhe raporti i ZLK-së, ku u theksua se gjatë kësaj periudhe nuk ka pasur raste të riatdhesimit. Gjithashtu, u diskutua për një kërkesë për pastrimin e varrezave në fshatin Rastavic, si dhe për fillimin e fushatës së regjistrimit falas për komunitetet Rom, Ashkali dhe Egjiptian gjatë muajit prill.
Në vijim, përfaqësuesi i DKA-së, z. Ramiz Bajramaj prezantoi gjendjen e vijueshmërisë së nxënësve të komuniteteve jo shumicë në shkollat e Komunës së Deçanit, duke paraqitur të dhëna konkrete dhe sfidat që lidhen me ndjekjen e rregullt të mësimit.
Gjatë diskutimeve, u trajtuan edhe çështje të ndryshme, përfshirë kërkesat për informata nga institucionet përkatëse, si dhe u aprovua propozimi që mbledhjet e Komitetit për Komunitete të mbahen çdo të premte të javës së dytë të çdo muaji.
Në përfundim, kryesuesi falënderoi të pranishmit për pjesëmarrje dhe kontributin e tyre.
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
