Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-gjyqtari i Gjykatës Kushtetuese e Kosovës, Kadri Kryeziu, ka kritikuar ashpër nivelin e komunikimit politik dhe institucional në Kosova, në kohën kur vendi po përballet me bllokadë për zgjedhjen e presidentit. Komunikimi ndërmjet institucioneve dhe partive politike ka qenë në nivele të ulëta, pa reflektuar përgjegjësinë shtetërore dhe interesin e përgjithshëm. “Komunikimi nuk ka qenë në nivelin e vetëdijes shtetërore dhe kombëtare… niveli ka qenë i ulët, duke mos pasur parasysh interesat e shtetit”, u shpreh Kryeziu. Ai theksoi se, në situata të tilla, përgjegjësia kryesore bie mbi subjektin më të fuqishëm politik, duke iu referuar Lëvizja Vetëvendosje dhe kryeministrit Albin Kurti. Sipas tij, shumica parlamentare është dashur të tregojë më shumë fleksibilitet dhe gatishmëri për kompromis. Kryeziu kritikoi edhe mënyrën e organizimit të takimeve politike, duke sugjeruar se ato shpesh janë zhvilluar pa vullnet real për marrëveshje. “Ka pasur takime ku palët kanë shkuar për t’u mos u marrë vesh”, tha ai, duke nënvizuar se mungesa e dialogut të sinqertë ka kontribuar në thellimin e krizës.
