Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i AAK-së, Ramush Haradinaj, ka përkujtuar 6 majin si një datë me rëndësi të veçantë historike për kombin shqiptar, duke nderuar lindjen e Gjergj Kastrioti Skënderbeu dhe përvjetorin e rënies së Luan Haradinaj. Në një aktivitet përkujtimor në Deçan dhe në Kompleksin Memorial në Gllogjan, Haradinaj bëri homazhe për heroin e Kosovës Luan Haradinaj, si dhe për veprimtarin e çështjes kombëtare Smajl Haradinaj. Ai theksoi se Luan Haradinaj ishte ndër figurat kyçe në organizimet e para çlirimtare, duke kontribuar në themelimin e Ushtrisë Çlirimtare të Kosovës dhe duke frymëzuar mijëra luftëtarë që iu bashkuan rrugës së lirisë. Sipas Haradinajt, sakrifica dhe heroizmi i tyre mbeten burim krenarie dhe frymëzimi për brezat, duke tejkaluar çdo dhimbje që ka sjellë lufta. “Krenaria për sakrificën dhe heroizmin e tyre do të mbizotërojë gjithmonë mbi dhimbjen. Lavdi!”, ka deklaruar ai.
