NË VITI U MBAJT CEREMONIA E NDARJES SË CERTIFIKATAVE NË KUADËR TË PROJEKTIT “KOSED”

28/05/2026 Institucionet

Në Komunën e Vitisë është mbajtur ceremonia e ndarjes së certifikatave nga z. Robert Blease, ekspert i projektit të Bashkimit Evropian KosEd “Modeli Kolegial i Sigurimit të Cilësisë”.

Ky projekt ka për synim ngritjen e kapaciteteve të drejtorëve të shkollave dhe mësimdhënësve lidhur me mbledhjen e të dhënave dhe krijimin e një cikli reflektues në raport me nevojat e shkollës, me qëllim të avancimit të cilësisë në arsim dhe fuqizimit të bashkëpunimit profesional në shkolla.

Në këtë ceremoni ishte i pranishëm edhe Kryetari i Komunës së Vitisë, z. Sokol Haliti, i cili përshëndeti të pranishmit dhe përgëzoi të gjithë për angazhimin dhe realizimin e këtij projekti të rëndësishëm, duke vlerësuar në mënyrë të veçantë bashkëpunimin me z. Robert Blease.

Me një fjalë rasti të pranishmëve iu drejtua edhe Drejtoresha e Arsimit, znj. Arta Ajeti, ndërsa z. Robert Blease falënderoi Komunën e Vitisë për bashkëpunimin dhe uroi që ky projekt të vazhdojë të japë rezultate pozitive në avancimin e arsimit.

Kontrolloni gjithashtu

Kryetari Ekrem Kastrati bëri homazhe në 27-vjetorin e rënies së dëshmorëve të kombit

Në shënim të 27-vjetorit të rënies heroike të dëshmorëve të kombit, Ibrahim Mazrreku, Kujtim Krasniqi, …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara