Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Fushata për zgjedhjet e jashtëzakonshme parlamentare ka hyrë në ditën e katërt, ndërsa subjektet politike po vazhdojnë me tubime, takime dhe aktivitete elektorale në qytete të ndryshme të Kosovës.
Partitë politike po prezantojnë programet e tyre dhe po kërkojnë mbështetjen e qytetarëve për zgjedhjet që do të mbahen më 7 qershor.
Fushata zgjedhore do të zgjasë 10 ditë e shtatë orë dhe do të përfundojë më 7 qershor në orën 06:59, kur hyn në fuqi heshtja zgjedhore. Për organizimin e procesit zgjedhor është miratuar një buxhet prej 10.88 milionë eurosh.
Zgjedhjet e jashtëzakonshme po mbahen pas krizës institucionale të shkaktuar nga dështimi i zgjedhjes së presidentit brenda afatit kushtetues, situatë që çoi në shpërndarjen e institucioneve dhe organizimin e një procesi të ri zgjedhor.
Qytetarët do t’u drejtohen kutive të votimit më 7 qershor për të zgjedhur përfaqësuesit e rinj në Kuvendin e Kosovës.
