Kryetari Lushtaku, ka pritur në takim talenten e re, Amra Salihu, nxënëse e Shkollës Fillore “Shaban Jashari”

04/06/2026 Institucionet

Për sukseset e saj të jashtëzakonshme në fushën e muzikës, Kryetari i Komunës së Skenderajt, Sami Lushtaku, ka pritur në ambientet e komunës talenten e re, Amra Salihu, nxënëse e Shkollës Fillore “Shaban Jashari”.

Amra, në edicionin e 17-të të Festivalit të Këngës për Fëmijë “Lyra”, të mbajtur në Gjilan, fitoi Vendin e Parë, duke dëshmuar talentin, përkushtimin dhe aftësitë e saj artistike. Po ashtu, në festivalin ndërkombëtar “Mollëkuqet”, Amra u nderua me Çmimin Special, një vlerësim i rëndësishëm që konfirmon potencialin e saj të madh në art dhe muzikë.

Me këtë rast, kryetari Lushtaku e përgëzoi Amrën për arritjet e saj, duke vlerësuar punën, talentin dhe përfaqësimin dinjitoz që ajo i ka bërë Skenderajt në këto ngjarje artistike.

I urojmë Amrës edhe shumë suksese të tjera në rrugëtimin e saj artistik, me besimin se ajo do të vazhdojë të na përfaqësojë me krenari në skena të ndryshme muzikore, ka thënë me këtë rast kryetari i Skenderajt, z. Sami Lushtaku.

Kontrolloni gjithashtu

Nderohet kujtimi i Heroit Skënder Rexhepi – KOMANDANT HEKURI

Në ditëlindjen e 61-të të Heroit të Kombit, Skënder Rexhepi – Komandant Hekuri, u vizitua …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara