Nderohet vepra atdhetare e luftëtarit të madh të UÇK-së, heroit, Haxhi Hoti

Sot, në Rogovë të Hasit, strukturat udhëheqëse të komunës së Rahovecit, nderuan kujtimin për veprën atdhetare të luftëtarit të madh të Ushtrisë Çlirimtare të Kosovës, njërit nga bijtë më të mirë të këtij kombi, heroit Haxhi Hoti – Komandant Lleshi. Në fjalën e tij, kryetari i komunës së Rahovecit, z. Smajl Latifi, tha se heroi Haxhi Hoti, ra në altarin e lirisë 28 vjet më parë, derisa po u printe 68 bashkëluftëtarëve që po vinin nga Republika e Shqipërisë në luftë për çlirimin e Kosovës, ai ra në pritën e forcave serbe në malet e Pashtrikut, duke u përjetësuar në altarin e lirisë.