Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Raportuesi për Kosova në Parlamenti Evropian, Riho Terras, ka vlerësuar se pjesëmarrja e ulët në zgjedhjet e parakohshme pasqyron zhgënjimin e qytetarëve me paqëndrueshmërinë politike në vend. Sipas Terrasit, niveli i ulët i daljes në votime tregon frustrimin e qytetarëve ndaj krizave dhe bllokadave politike që kanë karakterizuar periudhën e fundit. “Pjesëmarrja e ulët në zgjedhjet e parakohshme të Kosovës tregon se njerëzit janë të frustruar nga kaosi politik. Bashkëpunimi ndërpartiak është i nevojshëm për ta rikthyer vendin në rrugën e duhur dhe për të ecur drejt BE-së”, ka shkruar ai. Terras ka theksuar se bashkëpunimi ndërmjet forcave politike është thelbësor për rikthimin e besimit të qytetarëve në institucione, tejkalimin e ngërçit politik dhe avancimin e procesit të integrimit evropian të Kosovës. Ai ka bërë thirrje që partitë politike të tregojnë përgjegjësi dhe gatishmëri për dialog në interes të stabilitetit dhe zhvillimit të vendit.
