Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zyrtarja e Lëvizjes Vetëvendosje, Dejona Mihali, ka reaguar ndaj zhvillimeve të fundit brenda Lidhjes Demokratike të Kosovës, duke përdorur një gjuhë të ashpër dhe etiketime ndaj kundërshtarëve politikë, teksa ka komentuar debatet e brendshme që janë shfaqur në këtë parti. Përmes një postimi në rrjetet sociale, Mihali ka pretenduar se pas tensioneve në LDK qëndrojnë figura të caktuara politike, duke përmendur kryetarin e Prishtinës, Përparim Rama, nënkryetarin e PDK-së Sami Lushtaku dhe Uran Ismailin. Ajo ka shkruar se, sipas saj, ekziston një plan për ta dëmtuar LDK-në nga brenda, duke e lidhur këtë proces me atë që e cilëson si “avaz i vjetër” dhe me ndikimin e “krimit të organizuar” në politikë. “E paskan nis planin e PërpaSaMive me QUranin në qosh, me e prish nga brenda LDK. Kaq iu desh, zgjedhjet lokale, dy bllokada shtetit tash gati me ia vënë dërrmën. Avazi i vjetër. Kur LDK për të njëqindën herë bie në kurthin e njëjtë të krimit të organizuar. Futjani dhe një rend për gazin tash. Se e keni kënaq strategjinë në të gjitha anët”, ka shkruar Mihali. Reagimi i saj vjen pasi në opinion janë raportuar pakënaqësi dhe qëndrime kritike brenda LDK-së, përfshirë kërkesat për dorëheqjen e kryetarit të partisë, Lumir Abdixhiku. Deklaratat e Mihalit kanë nxitur reagime në rrjetet sociale, ku janë cilësuar nga kritikët si ndërhyrje në çështjet e brendshme të një subjekti tjetër politik dhe si përpjekje për të thelluar përçarjet në skenën politike të vendit.
