Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri në detyrë, Albin Kurti, ka bërë të ditur se procesi për formimin e institucioneve të reja do të nisë vetëm pas certifikimit të rezultateve përfundimtare të zgjedhjeve, duke mos dhënë detaje për koalicione të mundshme me partitë e tjera. I pyetur për bashkëpunimet politike që mund të çojnë në krijimin e shumicës parlamentare, Kurti ka theksuar se fillimisht duhet të përfundojnë procedurat ligjore dhe trajtimi i ankesave zgjedhore, ndërsa më pas do të zhvillohen diskutimet e nevojshme politike. Ndërkohë, partitë opozitare po presin lëvizjet e Vetëvendosjes. Përfaqësues të PDK-së dhe LDK-së janë shprehur të hapur për dialog politik, veçanërisht lidhur me çështjen e zgjedhjes së presidentit dhe funksionalizimin e institucioneve. Aktualisht, mbetet e paqartë se çfarë formule do të ndiqet për krijimin e shumicës së re parlamentare, ndërsa vëmendja është përqendruar te certifikimi i rezultateve dhe hapat që do të pasojnë për konstituimin e institucioneve të reja të vendit.
