Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mediat kroate kanë raportuar për protestën e paralajmëruar më 5 korrik në Zarë, e cila do të organizohet nga komuniteti shqiptar në Kroaci në mbështetje të ish-krerëve të UÇK-së që po përballen me proces gjyqësor në Hagë. Kryetari i Organizatës së Veteranëve të Luftës së UÇK-së, Hysni Gucati, ka bërë të ditur se protesta do të mbahet në orën 18:00 dhe se organizatorët presin pjesëmarrjen e shqiptarëve që jetojnë ose ndodhen për pushime në Kroaci. Sipas tij, tubimi do të zhvillohet në një park në Zarë, me mbështetjen e komunitetit shqiptar dhe miqve kroatë. Gucati shprehu shpresën që procesi gjyqësor në Hagë të përfundojë pozitivisht për ish-udhëheqësit e UÇK-së. Ai u bëri thirrje bashkatdhetarëve që t’i bashkohen protestës, duke theksuar se kjo mund të jetë protesta e fundit para përfundimit të procesit dhe kthimit të ish-krerëve të UÇK-së në Kosovë.
