Kryetaqri i Prishtinës Përparim Rama në një postim të tij në Facebook ka njoftuar qytetarët se se granti për Ndërmarrjenh “Pastrimin” ka dështuar sepse Ministria e Financave nuk e nënshkroi Marrëveshjen e Financimit.
Në postimin e kryetarit Rama thuhet:
Të dashur qytetarë,
Atë që po e them tash e sa kohë, sot fatkeqesisht po e konfirmojnë edhe partnerët tanë ndërkombëtarë. KfW (Banka Gjermane për Zhvillim) ka njoftuar se granti për “Pastrimin” dështoi sepse Ministria e Financave nuk e nënshkroi Marrëveshjen e Financimit.
Kaq!
E kemi ndihmën e Qeverisë gjermane. E kemi partnerin. E kemi projektin. E kemi nevojën urgjente.
Por Hekuran Murati nuk e nënshkruan.
Është e rëndë dhe e turpshme që para partnerëve tanë ndërkombëtarë duhet të shpjegojmë pse një projekt kaq i rëndësishëm për qytetarët tanë po dështon për shkak të Qeverisë sonë. Por qytetarët nuk mund t’i lëmë të paguajnë çmimin e këtyre bllokadave.
Prandaj kemi marrë vendim që të krijojmë Ndërmarrjen Komunale të Pastrimit! Do t’i përdorim krejt kompetencat që i kemi si Kryeqytet për ta zgjidhur këtë problem vetë. Pa pritur pafund.
Situata me mbeturinat është e rëndë dhe qytetarët me të drejtë kërkojnë zgjidhje.
Dhe zgjidhje do të bëjmë. Menjëherë. Me urgjencë, në seancën e radhës të Kryeqytetit.
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
