Në Qendrën Rinore në Deçan, të hënën, në orën 11:00, do të promovohet libri i autorit Prof. Izet Musaj, me titull “Të kujtohen, për të mos u harruar”.
Ky botim sjell dëshmi për një periudhë të rëndësishme të historisë së arsimit në Deçan, duke dokumentuar gjeneratat e nxënësve dhe mësimdhënësve të Gjimnazit të Pejës – Paralelja në Deçan, gjatë viteve 1959–1962.
Përmes këtij libri rikthehen në kujtesë njerëzit që kontribuuan në zhvillimin e arsimit dhe historinë arsimore të kësaj treve, duke ruajtur një pjesë të trashëgimisë së saj kulturore e historike.
Komuna e Deçanit ka ftuar qytetarët, ish-nxënësit, mësimdhënësit dhe të gjithë të interesuarit që të marrin pjesë në këtë promovim.
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
