U mbajt mbledhja e X-të e Asamblesë Komunale në Deçan

28/10/2016 Institucionet

E udhëhequr nga kryesuesi i Asamblesë komunale në Deçan  z.Jashar Dobraj, është mbajt mbledhja e X-të e rregullt. Për ketë mbledhje ishte propozuar ky rend pune:

– Shqyrtimi dhe miratimi i procesverbalit nga mbledhja e kaluar,

– Shqyrtimi i Raportit të Auditorit të Jashtëm,

– Shqyrtimi i raportit nëntë(9) mujor të shpenzimeve,

– Shqyrtimi Propozim-Vendimit dhe marrja e Vendimit për kushtëzim të pagesës për mbeturina në disa shërbime komunale,

– Të ndryshme.

Para se të aprovohet rendi i punës nga grupi parlamentar i LDK-së u kërkua që të hiqet nga rendi i ditës pika e 2-të – Shqyrtimi i Raportit të Auditorit të Jashtëm, dhe e 3-të – Shqyrtimi i raportit nëntë(9) mujor të shpenzimeve.

Me shumicë votash këto dy pika të rendit të ditës do të diskutohen në ndonjë mbledhje tjetër.

Është vazhduar me pikën e radhës Shqyrtimi i Propozim-Vendimit dhe marrja e Vendimit për kushtëzim të pagesës për mbeturina në disa shërbime komunale, si

Shërbimet Kadastrale, Shërbime nga Drejtoria e Urbanizmit dhe Planifikimit Hapësinor, Shërbimet nga Drejtoria e Shërbimeve Publike, Shërbimet nga zyra e Prokurimit  , Shërbimet nga Drejtoria për Ekonomi dhe Financa dhe Regjistrimin e Automjeteve. Pas shumë diskutimeve nga pjesa më e madhe e asamblistëve nga të gjitha subjektet politike për ketë pikë të rendit të ditës njëkohësisht edhe sqarimeve nga Drejtori i Shërbimeve Publike z.Izent Zenuni, më shumicë votash kjo pike e rendit të ditës është aprovuar.

Në të ndryshme nga pyetjet parlamentare nga mbledhja e kaluar nga asamblistët lidhur më funksionimin e basteve apo lojërave të fatit dhe ndërtimin e pompës së derivateve në rrugën ,,Luan Haradinaj’’ në dalje të qytetit të Deçanit, për këto pyetje sqarimet e duhura janë dhënë nga drejtori i Inspeksionit z.Halil Tolaj. Tolaj tha se sa u përket lojërave të fatit komuna nuk është kompetente, ne si institucion as nuk japim leje as pëlqim për veprimtarin e tyre, lejet dhe pëlqimet  merren në nivelin qendrorë, ndërsa sa i përket ndërtimit të pompës së derivateve ajo nuk ka leje për ndërtim, ka leje vetëm për bar restorant dhe  market, inspektorët komunal në Deçan kanë kryer punën e tyre, lënda është në gjykatë dhe ne presim vetëm vendimin e gjykatës se si do veprojmë më tutje.

Kontrolloni gjithashtu

Kryetari Haliti me nderim të thellë dhe përgjegjësi institucionale, kujton 24 marsin, një nga datat më të rëndësishme në historinë moderne të Kosovës

Kryetari i komunës së Vitisë. z. Sokol Haliti  me anë të një postimi në Facebook, …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara