Mjedisi mbështetës për gratë fillestare në biznes në veri dhe jug të Mitrovicës

25/11/2016 Institucionet

Qeveria e Republikës së Kosovës është e angazhuar për përmirësimin e ambientit të biznesit gjë që është reflektuar edhe në raportin e fundit të Bankës Botërore, e cila reflekton në statistika të grave pronare të bizneseve, të cilat janë regjistruar në vitin 2015, ka deklaruar zëvendësministrja e Zhvillimit Ekonomik, Besa Zogaj-Gashi.

Këto komente, Zëvendësministrja Zogaj-Gashi i bëri në konferencën “Përkrahja e ambientit të biznesit për gratë fillestare në biznes në Veri dhe Jug të Mitrovicës”, që u mbajt në Mitrovicë, ku morën pjesë përfaqësues të institucioneve qendrore, lokale dhe përfaqësues të shoqërisë civile.

Me këtë rast, Zogaj-Gashi përkujtoi se me iniciativën e kryeministrit është bërë ligji për regjistrimin e patundshmërive, bashkëpronare edhe gratë, me çka inkurajohen qiftet e reja që nga fillimi i krijimit të pronës ta gëzojnë të drejtën e regjistrimit të pronës në emër të dy bashkëshortëve.

Sipas saj, Qeveria synon që kjo masë të sigurojë shtysat e nevojshme për një zbatim më të mirë të ligjit në tërësi, një trajtim të barabartë të bashkëshortes, partneres dhe gruas.

Në këtë linjë, Zogaj- Gashi ka përmendur edhe “Udhëzimin Administrativ për Regjistrimin e Pronës së Paluajtshme të Përbashkët, në Emër të dy Bashkëshortëve, pa pagesë”, si masë afirmative.

Numri dy i MZHE-së po ashtu ka vlerësuar se miratimi i ligjit për Trepçën dhe atij për Investime Strategjike, do të mundësojnë nxitjen e zhvillimit ekonomik dhe lehtësimin e procedurave, respektivisht rritjen e interesimit të investitorëve të huaj për investime në Kosovë.

Ndryshe, projekti “Përkrahja e ambientit të biznesit për gratë fillestare në biznes në Veri dhe Jug të Mitrovicës” është financuar nga Zyra e Bashkimit Evropian në Kosovë përmes programit regjional të BE-së dhe bashkë financuar nga Komuna e Mitrovicës Jugore dhe Fondacioni MOTT.

Ky projekt implementohet nga Community Building Mitrovica në bashkëpunim me D&G Solutions.

Kontrolloni gjithashtu

Kryetari Latifi në 25-vjetorin e rënies, ka nderuar kujtimin për luftëtarin e UÇK- së dhe dëshmorin e kombit, Sadri Fazli Krasniqi

Kryetari i komunës së Rahovecit Smajl Latifi, bashku me familjarë, bashkëpunëtorë e miq, në 25-vjetorin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara