Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i PDK-së Kadri Veseli, në konventën festive të partisë se tij që është mbajtur të dielën në Prishtinë ka folur gjatë për synimet e tij, politikën, zhvillimin ekonomik dhe të ardhmen e shtetit siç tha ai “me PDK-në”. Veseli i tregoi disa nga shqetësimet e qytetarëve siç janë papunësia, korrupsioni dhe duke parë këtë gjendje si të rënduar ai u shpreh i vendosur për të punuar për një të ardhme më të mirë . “Qëllimet e mija për të cilat jam në politikë janë të qarta, Kosova shtet prodhues dhe jo më konsumues. Nga një vend supermarketesh në një vend fabrikash. Ky është vullneti i popullit dhe ky është vizioni i PDK-së. Mos keni asnjë dilemë ne sot jemi më të fortë së kurrë, jemi më të bashkuar se kurrë për ta bërë ushtrinë e Kosovës për ta mbrojtur Kosovën. Ne sot jemi më të vendosur se kurrë për ta zhvilluar ekonominë e Kosovës, për ta mbushur Kosovën me fabrika. Ne jemi PDK që fitojmë gjithmonë për të fituar Kosova”, ka theksuar ndër të tjera Veseli.
