Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i AAK-së, Daut Haradinaj, ka thënë se jemi për përmirësimin e marrëdhënieve me shtetin e Serbisë, por jo vetëm Kosova duke dhënë, e duke mos marrë asgjë nga pala tjetër. “Janë arritur një varg marrëveshjesh që nga pala kosovare janë implementuar gati të gjitha, ndërsa nga Serbia asnjë”, ka deklaruar Haradinaj në tryezën e organizuar nga Instituti Demokratik i Kosovës me temën “Pezullimi i dialogut: Impakti në procesin e Integrimit Evropian të Kosovës” Haradinaj ka thënë se Serbia vazhdimisht që nga fillimi i dialogut nuk është duke ndërhyrë në Kosovë. “Kosova nuk ka viza, ka kushte të ashpra për viza që as vetë vendet anëtare të BE-se nuk i kanë plotësuar ende – siç është çështja e demarkacionit. Këtë problem e kanë Kroacia me Slloveninë e Mali i Zi me Kroacinë – janë shtatë raste të tilla në BE. Unë mendoj që është koha të ndërpritet dialogu ne e kemi për obligim të ja bëjmë me dije Serbisë e BE-së se nuk mund të luajnë me qytetarët e Kosovës. Nëse Serbia ka ushtruar gjenocid e krim si dhe na kanë poshtëruar për sa kohë, ne vazhdojmë edhe 18 vjet pas luftës të japim për Serbinë”, ka theksuar ai.
