Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ditë më parë, nga disa medie pro qeveritare, ishte shfrytëzuar “Festa e Pashkëve”, për të nxitur një fushatë, sepse ishte paralajmëruar që me rastin e kësaj dite do të ketë sulme terroriste “islame” në Katedrale. “Policia kishte rritur shkallën e gatishmërisë dhe krejt kjo kaloi pa pasoja”, ka saktësuar ministri Hyseni në një postim të tij. Ai ka përgëzuar pjesëtarët e Policisë së Kosovës, të cilët në këto ditë feste paskan qenë në gatishmëri dhe nivel të lartë të detyrës dhe me orar të zgjatur të punës. Pse ky ministër i njohur për fushata dhe inskenime të tilla, të paktën nuk zbuloi vetëm një rast kur policia e tij paska parandaluar një akt terrorist, për veç atyre rasteve të inskenuara, kur dihet mirë se është parandaluar vetëm rasti i serbit Gavriq, disa vjet më parë, i cili ishte zënë me eksploziv në përpjekje për ta shpërthyer para Katedrales e për t i fajësuar myslimanët e Kosovës. Përhapja e disa ditëve më parë e panikut te qytetarët, e cila u dënua nga individë të caktuar, mori një fund të gëzueshëm, pa asnjë sqarim të mirëfilltë publik, por vetëm me një lavd për veten, sikur ka bërë dhe bën Skënder Hyseni i LDK-së i cili në zgjedhje për postin e deputetit kishte marrë krejt nja 700 vota, por meqë nuk fitoi më shumë, për të mos mbetur anash, Isa Mustafa e bëri ministër të brendshëm të Kosovës.
