Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përfaqësuesja e Zyrës së Bashkimit Evropian në Kosovë, Natalyia Apostolova, ka thënë se marrëveshja për Asociacionin e komunave serbe duhet të rishikohet edhe njëherë nga Gjykata Kushtetuese. Ajo ka kërkuar që ky asociacion të themelohet sa më parë. “Marrëveshja e asociacionit duhet të rishikohet dhe asociacioni të themelohet sa më shpejtë që është e mundur”, ka thënë ajo. Apostolova ka shtuar se dialogu në Bruksel është në interes të Kosovës dhe se problemet me Serbinë duhet të zgjidhen përmes dialogut. “Ne besojmë se është interes i Kosovës që të zgjedh çështjet e hapura me Serbinë për përmirësimin e marrëdhënieve. E gjithë kjo që është bërë në dialog është në të mirë të qytetarëve të Kosovës dhe Serbisë. Dialogu është mjet që kombinon të gjitha prioritetet”, ka thënë përfaqësuesja e BE-së. Apostolova ka theksuar se dialogu ndërmjet dy vendeve duhet të vazhdojë sa më shpejt. “Besoj se dialogu është storie e suksesit dhe duhet të vazhdojë më shpejtë”, ka deklaruar ajo.
