Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
KFOR-i gjerman ka hedhur poshtë shkrimin e gazetës qeveritare ruse “Sputnik”, ku thuhet se Gjermania, deri në fund të vitit 2018, do t i tërheq të gjithë ushtarët nga kontingjenti i KFOR-it në Kosovë. Por në një komunikatë të forcave paqeruajtëse gjermane në Kosovë konfirmohet se Gjermania mbetet plotësisht e përkushtuar ndaj KFOR-it, sepse ka qenë një kontribuuese e qëndrueshme me trupa në misionin e udhëhequr nga NATO-ja. Ky angazhim vazhdon. Kontingjenti gjerman mbetet kontribuuesi i tretë më i madh në KFOR dhe vazhdon aktivitetet e veta për të ruajtur një ambient të qetë dhe të sigurt dhe për të garantuar liri të lëvizjes për të gjithë njerëzit në Kosovë, “në përputhje me mandatin e vetë sipas Rezolutës 1244 të Këshillit të Sigurimit të Kombeve të Bashkuara”. “Çdo vendim rreth pozitës së ardhshme të KFOR-it do të merret nga Këshilli i Atlantikut të Veriut dhe do të mbetet çështje që varet nga gjendja e sigurisë në terren”, potencohet në komunikatën e KFOR-it, e cila krijoi shqetësim tre qytetarët pasi mediet në Rusi kishin përhapur lajmin se gjermanët po largohen nga Kosova.
