Në Mitrovicë sivjet do të mbillen rreth 70 hektarë me misër

29/04/2017 Institucionet

Komuna e Mitrovicës, përmes Drejtorisë për Bujqësi dhe Zhvillim Rural, ka shpërndarë 140 thasë me farë misri dhe 14.000 kg pleh artificial. Numri i përgjithshëm është 111 përfitues. Sipërfaqja e përgjithshme që do të mbjellët në Komunën e Mitrovicës, pritet të jetë 70 hektarë. Kryetari i Komunës së Mitrovicës, Agim Bahtiri, tha se Komuna këtë vit ka fondin për këtë qëllim prej rreth 12% më tepër se sa në vitin e kaluar. “Bujqësia është një nga shtyllat kryesore zhvillimore në këtë komunë. Aktualisht për sektorin e bujqësisë kemi 116,500.63 mijë euro për mbështetje të fermerëve, ndërkaq me rishikim synojmë të rrisim shumën”, tha Bahtiri. Drejtori i Bujqësisë, Nasuf Aliu, tha se kjo është vetëm një nismë, ndërkaq në të ardhmen në bashkëpunim me partnerët tjerë, mendojmë të rrisim shumën e fondeve. “Në të ardhmen synojmë të rrisim fondet e përbashkëta me partnerët, në përfitim të fermerëve tanë dhe në këtë mënyrë dëshirojmë që toka bujqësore në komunën tonë të mos jetë e punueshme. Për këtë vit në Komunën e Mitrovicës planifikohet të mbjellën rreth 1,020 hektar me misër dhe na gëzon fakti që kemi trende të rritjes në çdo sektorë”, theksoj Aliu. Fermerët e kanë mirëpritur këtë ndihmë nga Komuna e Mitrovicës, duke vlerësuar se përveç ndihmesës, kjo do të jetë edhe motiv shtesë që bujqit t’i punojnë tokat bujqësore.

Kontrolloni gjithashtu

Kryetari Ekrem Kastrati mbështet aktivitetin shëndetësor “përSHËNDETje” në Malishevë

Në Sheshin e Dëshmorëve u mbajt aktiviteti “përSHËNDETje”, i organizuar nga OJQ “Mundësia” në bashkëpunim …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara