Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i komunës së Drenasit, Ramiz Lladrovci ka reaguar pas vendimit të djeshëm të Gjykatës së Supreme lidhur më rastin “Drenica 2”, e cila gjykatë refuzoi uljen e dënimeve për ish-kryetarin e Drenasit, Nexhat Demaku dhe ish-deputetin, Fadil Demaku, të cilët janë të dënuar për krime lufte. Lladrovci me anë të një reagimi në profilin e vet në rrjetin, ka thënë se institucionet e drejtësisë janë të pavarura, por që vendimi i djeshëm nuk na lë të paanshëm. “Drenica, për më shumë se një shekull ishte burim lirie, duke u bërë ballë me dinjitet sfidave, furtunave dhe sprovave të lirisë. Drenica përcolli për më shumë se një shekull mesazhin e sakrificës. Edhe sot, bijtë e Drenicës, janë duke u dhënë këtë mesazh. Institucionet e drejtësisë janë të pavarura në vendimet e veta. Vendimi i djeshëm nuk na lë të paanshëm. Dje çlirimtarët e Drenasit morën një lajm që na preku. Për shumë arsye kemi pritë lirimin nga çdo akuzë.Drenica, Drenasi, përjetë krenar me çlirimtarët”m ka shkruar Lladrofci.
